قال تعالى"وكان حقا علينا نصر المؤمنين"
و قال " ولينصرن الله من ينصره"
فلا دخل للعُدة ولا العدد فى النصر !! ما هى إلا أسباب فقط .. تؤخذ و يكون السبب الأول هو التوكل ..
لو نظرنا لحروب الصحابة ..
معركة نهاوند .. 30 ألف مسلم .. و 150 ألف فارسى !
فى معركة القادسية .30 ألف و الفرس 200 ألف !
فى معركة اليرموك .. جيش المسلمين40 ألف .. الجيش البيزنطى 240 ألف !!
و القائمة تطول !! بل إن معركة حطين و هى الفاصلة فى حرب الصليبين كان المسلمين فيها قريب من 25 ألف و الصليبين فيها قريب من 65 ألف .. !!
يقطع الله تعالى لنا كل الأسباب الدنيوية حتى نعتمد عليه وحده .. و لسه فى ناس بتقول ازاى هننتصر و الفرق العُدة و هما عندهم مش عارف ايه ..
اللى خلانا ننتصر فى 73 و احنا كنا لسه طالعين من نكسة .. بفضل الله ينصرنا تانى فى أى وقت .. بس احنا اللى فى عندنا ذل و خوف و وهن ..
والله من أعتمد على الله و توكل عليه فهو منصور .. بس الكل خايف ياخد الخطوة .. شوف ربنا قال ايه على قصة بنى إسرائيل لما قال لهم ادخلوا الأرض المقدسة .. "قالوا يا موسى إن فيها قوما جبارين وإنا لن ندخلها حتى يخرجوا منها فإن يخرجوا منها فإنا داخلون"المائدة21 .. سبحان الله !! مش ده اللى بيتقال دلوقت ؟؟ فجاء الرد .. "قال رجلان من الذين يخافون أنعم الله عليهما ادخلوا عليهم الباب فإذا دخلتموه فإنكم غالبون وعلى الله فتوكلوا إن كنتم مؤمنين"المائدة22 ..
يعنى توكلوا على الله و ادخلوا .. و لو دخلتوا هتكسبوا !!
ده اللى بيتقال دلوقت من أكثر الناس إلا من رحم ربى .. " إن فيها قوما جبارين" .. الحل فى .. " ادخلوا عليهم الباب" ..
اللى هياخد الخطوة دى هو المنصور .. واللى عمال يقول احنا ضعاف احنا مش عارف ايه .. مكتوب عليه يعيش فى ذل ..
اللهم ردنا إلى دينك رداً جميلاً .. اللهم آمين ..
