قال تعالى .. "يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ

""قال تعالى ..

"يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُوْلِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلًا"النساء

يعنى الأصل طاعة الله و الرسول .. طيب لو اختلفنا .. ردوه الى الله و الرسول برضو ..

المصيبة بقى ان فى ناس لما تختلف بترد الأمر الى الأمم المتحدة و اللوائح بتاعتها ...
أو ترد الأمر للقانون الوضعى !!
أو ترده للعُرف السائد فى البلد ..
و لا يأبهوا لقول الله و رسوله فى المسئلة ..

الموضوع واضح جداً فى حوار سن زواج البنات .. يقولك شوف لوائح الأمم المتحدة بتقول ايه !!

و فى موضوع اللحية فى الجيش .. يقولك لازم تحلقها أصل القانون بيقول كده !!

و لو قلت مثلاً فرح إسلامى من غير أغانى و رقص ييجى الناس يقولك ميصحش .. الناس تقول علينا ايه .. أو يقولوا الناس كلها بتعمل أفراح عادى يعنى ..

بس مين اللى بيرجع لقول الله و رسوله ؟؟؟
"إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ" .. المؤمنين حقاً ..

و تأكد أن فى رجوعك لله فهو أفضل قرار .. "ذَلِكَ خَيْرٌ وَأَحْسَنُ تَأْوِيلًا" ..

والله لو قلوبنا تعلقت بالله و عرفته حقاً .. مكنش حد تجرأ و رفض أمر من أوامر الله تعالى بحجة قانون قذر وضعه بشر .. !! "ما لكم لا ترجون لله وقارا"

اللهم لا تؤاخذنا بما فعل السفهاء منا .. اللهم آمين .."